Gylaç

2013-07-15
gylac
  • Persona : 6
  • Koha e Përg. : 20m
  • Koha e Pjekjes : 15m
  • Gati për : 35m

Gylaçi është ëmbëlsirë tradicionale turke. Për përgatitjen e tij përdoren peta të veçanta që mbajnë të njëjtin emër dhe të përgatitura enkas për këtë ëmbëlsirë. Në Kosovë dhe Maqedoni është pjesë e kulturës sidomos e banorëve me prejardhje turke. Ndërsa në Shqipëri, për faktin se kjo ëmbëlsirë nuk është e përhapur, mund të haset vështirësi në gjetjen e petave të gatëshme të gylaçit. Përgatitja e tyre në ambjentet e shtëpisë është paksa e vështirë por jo e pamundur.

Në recetën e mëposhtme është shpjeguar përgatitja e gylaçit me peta të gatëshme. Mënyrën se si të përgatisim vetë petat e gylaçit do ta publikojmë në një shkrim të veçantë.

Përbërësit

  • 6 peta gylaçi
  • 3 gota uji qumësht
  • 1 gotë uji sheqer

Për sipër:

  • 1 filxhan çaji fruta të thata të shtypura (arra, fistik, lajthi)

Përgatitja

Hapi 1

Gjysmën e qumështit e ziejmë me sheqerin dhe e lemë të ftohet. Gjysma tjetër e qumështit zihet më vehte dhe lihet të ftohet.

Hapi 2

Në një tepsi e cila është e madhe aq sa të zejë një petë, hedhim qumështin pa sheqer. Marrim një petë dhe e futim në tepsi. Pasi të zbutet paksa në qumësht, e heqim dhe e mbështjellim në formë katrore ose trekëndëshe sipas dëshirës me madhësinë e pëllëmbës së dorës. Nëse dëshirojmë, brenda i hedhim pak nga frutat e thata të thërmuara. Gylaçin e mbështjellë e vendosim në një tepsi tjetër. Këtë e përsëritim dhe me petat e tjera.

Hapi 3

Pasi të kemi 6 gylaçë të mbështjellë në një tepsi, i hedhim sipër qumështin e sheqerosur. Pasi ta kenë thithur qumështin, gylaçët i vendosim në pjata dhe i servirim. Sipër u hedhim nga frutat e thata të thërmuara. Pak lëng trëndafili sipër do t'i japë shije dhe aromë të veçantë.

Kujdes:
Petat e gylaçit duhet të jenë të freskëta. Me peta bajate e të vjetëruara gylaçi nuk del aspak i mirë.

Kategoria e Recetës: Përbërësit: , , ,
Vlerësimi Mesatar

(4.8 / 5)

4.8 5 25
Vlerëso këtë Recetë

25 vizitorë vlerësuan këtë recetë

Receta nga Editori:
  • fasule-turshi_gatuajmire

    Fasule të njoma turshi

  • turshi-lakre_gatuajmire

    Lakër e kuqe turshi

  • pogace_me_djathe-gatuajmire

    Pogaçe me djathë

  • qebapi_i_shehzades-gatuajmire

    Qebapi i Shehzades

  • qebap_tepsie6-gatuajmire

    Qebap tepsie

Komente mbi Recetën

  1. Dërguar nga suzana 8 Mars, 2015

    ku mund te gjehen petat e gulacit pervec se ne turqi me se jan te bera keto peta flm

    • Dërguar nga Admin 8 Mars, 2015

      Petat e gylacit jane pak te veshtira per t’u prodhuar ne ambjente shtepie. Prandaj dhe nuk e kemi shpjeguar ne recete. Ne Tirane mund te gjendet ne marketet ku tregetohen mallra te ardhura nga Turqia. Mund te interesoheni prane pasticeri OGAS tek 21 dhjetori ose market Shkodra ne hyrje te Don Boskos. Gezuar festen dhe kalofshi mire!

Shto një Koment


5 + 2 =

Copy Protected by Chetans WP-Copyprotect.